نقاش: الأمل في الفعل- حوار مع الجيل القادم

https://news.howofwhat.com/cine-i-am-the-future-screening-debate-october-2025

يمكنكم مشاهدة الفيلم على الرابط : https://vimeo.com/video/999170383

Password: IATF2024

نقاش: الأمل في الفعل- حوار مع الجيل القادم

مع سميراء حموضة الشخصية الرئيسية في لبنان تناقشها مروى قبيسي مدرّبة LP4Y لبنان.

مروى:

لقد وصفتِ رحلتك بأنها رحلة من "التعلّم والنمو". ما هي العادات الشخصية أو طرق التفكير التي ساعدتك في الحفاظ على الحافز والتوازن العاطفي أثناء سعيك لتحقيق أهدافك المهنية؟

سميراء:

بصراحة قبل ما أحكي أي شي، ما كنت متوقعة بيوم كون بمحل عم مثّل فيه واني الشخصية الرئيسية من لبنان بفيلم وثائقي بجسّد كيف المعاناة والصعوبات اللي عشناها قدرنا نحولها لفرص تعلّمنا منها.

شعاري الدائم اللي قلتو بالفيلم هو: "Never give up, great things take time" يعني ما لازم نستسلم أبدًا لأنو الشغلات الحلوة بدها وقت.

من هيدا المنطلق بقول لو قد ما كانت الطريق طويلة وصعبة ما لازم نستسلم لأنو بالآخر رح نوصل ورح نحقق اللي ببالنا.

وكمان اللي ساعدني ضلّ محافظة على توازني النفسي ومتحمسة لهدفي هو إيماني العميق بأنو رب العالمين ما بيبعت شي عن عبث وأنو دايمًا في تقدير حقيقي للجهد اللي عم نعملو وانو النجاح مش بكبسة زر وحتى الأستمرارية هي سرّ التغيير الحقيقي.

حرفيًا كنت محاطة بعيلتي وحتى بأشخاص مآمنين اني بوصل وعم يدعموني ويحمسوني كمّل  وحتى بذكروني انا ليش بلشت خصوصي وقت الإحباط والتعب.

يعني تصوير الفيلم على قد ما هو حلو ومعبّر عن الواقع اللي نحنا عايشينو على قد ما كان متعب!! بتذكّر نهار تصوير مشهد صعب بالفيلم بنيويورك كنا كتير تعبانين والشمس قوية وعم نقطع مسافات، بس لما خلصناه وشفت النتيجة دمّعوا عيوني لأني حسيت أنو تعبي عم يتحوّل لشي بيحكي عني وعن كل الشباب وانو قديه من خطوة صغيرة صوتنا كشباب ممكن يوصل ويأثر.  

بعرف حكيت كتير  بس آخر الشي بتمنى من كل حدا مرق بمرحلة إحباط ما ينسى أنو الطريق مش سهل بس دايمًا بعد الضيق في فرج. ما تستسلموا لأنو كل خطوة بتاخدوها اليوم هي استثمار بحالكم ولغيركم ودايمًا خلّو مساحة للغلط كرمال تتعلّموا منو.

مروى: 

كونك شخصية رئيسية في الفيلم الذي شاهدناه، والذي من خلاله تعرفنا على شخصيات نسائية ملهمة وسمعنا قصصهن، برأيك من هي الشخصية التي أثرت فيكِ أكثر وتركَت بصمة؟

سميراء: 

صراحة كل الشخصيات كانت مُلهمة بطريقتها، وكل وحدة منهن عندها قصة قوية ومختلفة. بس أنا مش رح احكيكي عن شخصية قد ما رح أحكيكي عن إصرار، صمود وعزيمة هالنساء اللي صادفتهم كيف رغم القسى والتعب والحرب بعد عندهم أمل انو بكرا أحلى وانو كل يوم هو فرصة جديدة وهالشي لمسني كتير وترك بصمة عندي لانو قوتهم بينت بنظراتهم مش بس بحكيهم.